A janë përmirësuar raportet mes Thaçit dhe Haradinajt (Video)
U gjuajtën me fjalë ndaj njëri-tjetrit, madje fjalori në mes të presidentit Hashim Thaçi dhe kryeministrit Ramush Haradinaj ishte goxha i ashpër.
Haradinaj ka kundërshtuar ashpër idenë e presidentit për korrigjim të kufijve.
Ndërsa presidenti e ka paralajmëruar Haradinajn se mund edhe të shkarkohet për deklaratat e tij populiste.
Por raporti në mes tyre nuk duket të jetë aq i keq.
Ata sot u panë bashkë në promovimin e librit të akademik Nexhat Dacit “Lindja e vështirë e shtetësisë së Kosovës”.
Thaçi dhe Haradinaj përveç shtrëngimit të duarve edhe mënyrën e bisedës ndërmjet vete e kishin relaksuese.
Mbetet të shihet nëse ky raport është i vërtetë apo i falsifikuar./KosovaPress/
