Bayerni interesohet për Ünder
Drejtuesit e Bayernit vazhdojnë të vëzhgojnë lojtarë për të gjetur pasuesit e Arjen Robben e Franck Ribery, të cilët mbyllën aventurën e tyre me klubin bavarez.
Alternativa kryesore në listë mbetet Leroy Sane i Manchester Cityt, por klubi gjerman nuk dëshiron të ketë surpriza të pakëndshme dhe për këtë ka hedhur sytë nga turku i Romës, Cengiz Ünder, i cili shihet si një kandidat potencial për t’u transferuar në Bundesligë.
21-vjeçari, që me përfaqësuesen turke ka koleksionuar 19 ndeshje dhe ka shënuar 6 gola, ka një kontratë deri në 2022 me Romën.
