Itali

822 të vdekur dhe 29 mijë raste të reja me Covid-19 në Itali

Mijëra raste të reja po raportohen të infektuara me Covid-19 në Itali.

Edhe numri i vdekjeve në këtë vend po vazhdon të jetë i lartë.

Italia është një ndër vendet më të goditura nga koronavirusi. Në 24 orët e fundit në të gjithë territorin e Italisë kanë vdekur 822 persona dhe janë infektuar 29,003 të tjerë.

 Me bilancin e sotëm numri i përgjithshëm i viktimave ka shkuar në 52 mijë e 850 ndërsa numërohen në total 1,509,875 të infektuar që prej fillimit të shpërthimit të pandemisë.

Që prej fillimit të pandemisë deri më tani në Itali janë shëruar 661,180 persona ndërsa në gjendje të rëndë për jetën aktualisht janë 3,846  të tjerë.

Në gjithë botë, numri i të infektuarve me Covid-19 ka shkuar në mbi 61 milionë.

Deri tani raportohen rreth 1 milionë 500 viktima si pasojë e këtij virusi dhe mbi 42 milionë të shëruar.