39 aksidente për një ditë në Kosovë
Aksidentet në trafik nuk është se po shënojnë rënie, ato vazhdojnë të regjistrohen në numër të lartë dhe shqetësues.
Kështu, në raportin 24 orësh të Policisë së Kosovës raportohet se kanë ndodhur 39 aksidente trafiku.
Prej tyre, 13 me të lënduar, kurse 26 pa lëndime në njerëz, transmeton Indeksonline.
Tutje, policia e trafikut për një ditë ka bërë të ditur se ka shqiptuar 1190 tiketa për kundërvajtësit në trafik.
Po ashtu, në 24 orë policia ka arrestuar 19 persona, 11 i ka dërguar në mbajtje dhe dy në vuajtje të dënimit.
