28-vjeçari bën kërdi në Pejë: Vjedh material në vlerën e 55 mijë eurove
Një person i moshës 28-vjeçare është arrestuar sot në Pejë. Ai po dyshohet se ka kryer veprën penale ‘Vjedhje e rëndë’.
Pronari i një depoje në Pejë, ka raportuar se në depon e tij mungonte material në sasinë e 55 mijë eurove.
Pas një pune intensive nga hetuesit rajonalë është identifikuar dhe arrestuar i dyshuari M. S. B., lindur më 1992.
Me vendim të Prokurorit të Shtetit, atij i është caktuar masa e ndalimit policor prej 48 orëve.
“Në Stacionin Policor Pejë, me datë 21.09. 2020 , është paraqitur një rast “vjedhje e rendë” nga viktima e cila deklaron se në depon e tij “DENJIZI” në Pejë, i është vjedhur një sasi e mallit në vlerë prej Pesëdhjetë e pesë mijë (55 000) Euro. Viktima kishte vërejtur se para një muaji po i mungonte material nga depoja”, thuhet në njoftim.
