Lumir Abdixhiku
26 vjetori i Epopesë së UÇK-së, Abdixhiku përkujton sakrificën e familjes Jashari
Kreu i Lidhjes Demokratike të Kosovës, Lumir Abdixhiku, ka përkujtuar sakrificën e familjes Jashari, në 26 vjetorin e Epopesë së Ushtrisë Çlirimtare të Kosovës.
Abdixhiku ka thënë se datat 5, 6 dhe 7 mars të vitit 1998, shënojnë ngjarjen më kulminante në luftën e Kosovës për liri e çlirim; “sakrificën sublime të Familjes Jashari e me këtë dhe fillimin e fundit të përpjekjes sonë shekullore për liri”.
“Flijimi i familjes Jashari në altarin e lirisë, ishte sakrificë ultime e gdhendur në mendjen e mësuesit Shaban Jasharit, të Komandantit legjendar Adem Jashari e të Hamëz Jasharit. Ata zgjodhëm lirinë prandaj dhe morën përjetësinë.
Rënia heroike e tyre, përballë forcave ushtarake e paraushtarake të Serbisë, ishte kushtrim për një popull të tërë. Ishte këmbanë për luftën dhe përpjekjen tonë kolektive drejt lirisë, e për aleancat e ardhshme që do të rreshtoheshin me idealin e tyre e tonin pa dallim”, ka thënë Abdixhiku.
VIDEO BONUS: Kurti Anëtarësimi në BE, zgjidhje për kërcënimet e Serbisë ndaj sigurisë
