25 aktakuza kundër 30 personave brenda 24 orëve në Kosovë

Prokurori i Shtetit njofton opinionin se gjatë 24 orëve të fundit prokuroritë themelore kanë ngritur njëzetepesë (25) aktakuza kundër tridhjetë (30) personave për vepra të ndryshme penale, si dhe kanë ndaluar pesë (5) persona të ndryshëm për shkak të dyshimit se kanë kryer vepra të ndryshme penale.

Sipas njoftimit për media, prokurori i shtetit njofton se gjatë 24 orëve të fundit janë bërë katër (4) kërkesa për caktimin e paraburgimit të katër (4) personave për shkak të dyshimit se kanë kryer vepra të ndryshme penale.

Raporti për të gjitha prokuroritë:

Prokuroria Themelore në Prishtinë, gjatë 24 orëve të fundit, me urdhër të prokurorit kujdestar, ka ndaluar një (1) person të dyshuar. Po ashtu, kjo prokurori ka bërë një (1) kërkesë për caktim të masës së paraburgimit për një (1) person, me dyshimin se ka kryer veprën penale “Tentim dhunimi”. Gjatë 24 orëve të fundit, Prokuroria Themelore në Prishtinë, ka ngritur shtatë (7) aktakuza kundër nëntë (9) personave për vepra të ndryshme penale.

Prokuroria Themelore në Prizren, gjatë 24 orëve të fundit ka ngritur katër (4) aktakuza kundër katër (4) personave për vepra të ndryshme penale të parapara në Kodin Penal të Republikës së Kosovës (KPRK).

Prokuroria Themelore në Pejë, gjatë këtyre 24 orëve të fundit ka ndaluar një (1) person të dyshuar për vepër ”Mbajtje në pronësi, kontroll ose posedim të paautorizuar të armëve” dhe ka ngritur katër (4) aktakuza kundër pesë (5) të pandehurve.

Prokuroria Themelore në Gjilan, me urdhër të prokurorit kujdestar, ka ndaluar një (1) person, ka paraqitur dy (2) kërkesa për caktimin e masës së paraburgimit, ndaj dy (2) personave të dyshuar dhe ka ngritur katër (4) aktakuza, kundër pesë (5) personave.

Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, Prokuroria Themelore në Gjakovë- Departamenti i Përgjithshëm, ka ndaluar një (1) person të dyshuar në kohëzgjatje prej 48 orësh, si dhe, Prokuroria Themelore në Gjakovë, ka ngritur tri (3) aktakuza kundër tre (3) personave për veprën penale ”Vjedhje e shërbimeve komunale”.

Prokuroria Themelore në Mitrovicë, ka ndaluar një (1) person për veprat penale ”Lëndim i lehtë trupor dhe dhunë në familje”. Po ashtu Prokuroria Themelore Mitrovicë ka bërë një (1) kërkesë për caktimin e paraburgimit për veprat penale ”Lëndim i lehtë trupor dhe dhunë në familje”.

Prokuroria Themelore në Ferizaj, gjatë 24 orëve të fundit, ka ngritur (3) aktakuza kundër katër (4) personave për vepra të ndryshme penale.

loading…