Yllka Gashi: Asnjë serial s’ka arritur t’ia kalojë “Familjes Moderne”
Aktorja e njohur shqiptare, Yllka Gashi e cila ka arritur sukses të madh me filmin “Zgjoi”, njihet nga publiku shqiptar për rolin e saj në serialin vendor “Familja Moderne” vite më parë.
Ajo ka thënë se “Familja Moderne” mbetet seriali vendor më i suksesshëm.
“E kujtoj me dashni, mall e mirënjohje, se kemi punu gjatë kohë, 10 vjet. E mbaj mend që njerëzit blejshin agregata për me e pa familjen moderne. Jam e lumtur që kam pasur fatin të jem pjesë e saj, shpresoj të bëhen edhe projekte të tjera me ia kalu “Familjes moderne”, në aspektin e cilësisë, por fatkeqësisht jo, në asnjë aspekt. Nuk kam pa diçka që e ka tejkalu “Familjen Moderne”, u shpreh ajo në Kanal 10.
