“Wind of Change” për (Klan) Kosovën në Samitin e Berlinit

Gazetarët e Klan Kosovës, Baton Haxhiu dhe Kushtrim Sadiku, janë takuar në Berlin me Klaus Meine, frontmanin e rock grupit legjendar Scorpions.

Takimi ndodhi gjatë qëndrimit të tyre në Samitin e Berlinit, njofton Klan Kosova.

“Wind of Change” është kënga antologjike e këtij bendi për ndryshimet historike dhe politike që ndodhën në Europë gjatë fundviteve të 1980-ta dhe fillimviteve të 1990-ta.

Haxhiu ka deklaruar në mënyrë metaforike se një “Frymë e Ndryshimit” mund të vijë edhe për Kosovën pas Samitit të Berlinit.

“Klaus Meine i Scorpions ma kujtoi vitin 1990 dhe portën e cila ka qenë dikur e mbyllur dhe e ka ndarë Berlinin në dysh”.

“Ajo që po ndodh brenda Samitit mund të sjellë edhe ‘Frymën e Ndryshimit’, ndonëse jo sot”.

Ndërkaq Sadiku ka potencuar se Klaus Meine është zotuar se “do të bëjë çmos për ta organizuar një koncert të Scorpions në Kosovë”.

Në qershor të vitit 2001, Scorpions kishin mbajtur koncert madhështor falas në Tiranë.

https://www.youtube.com/watch?v=n4RjJKxsamQ