Elona

Vrasja e çiftit shqiptar, dëshmitarët: Ne e pamë Elonën me valixhe në dorë. Vinte erë e keqe

“Ne pamë e Elonën me valixhe në dorë. Vinte një erë e keqe. Ajo tha se era vinte nga shishet e verës që i ishin thyer“, është një nga dëshmitë e dhëna në polici, në lidhje me Elona Kaleshën, ish-të dashurën e Taulant Pasho, djalit të çiftit Pasho, kufomat e të cilve u gjetën në katër valixhe midis burgut Sollicciano dhe burgut Fipili.

Kjo është dëshmia e fqinjëve në via Fontana, në Firence, ku, sipas hetuesve dyshohet se ka ndodhur vrasja e dyfishtë, e Shpëtimit dhe Tauta Pashos, 54 dhe 52 vjeç.

Akuza që rëndon ndaj 36-vjeçares është vrasja, fshehja dhe dhunimi i kufomave.

Çifti vinte shpesh nga Shqipëria për të vizituar fëmijët e tyre të lënë në Itali: Dorina, Viktoria dhe Taulanti, i cili në atë kohë ishte i burgosur në burgun Sollicciano.

28-vjeçari u lirua nga burgu në fillim të Nëntorit 2015, që përkonte me vrasjen e prindërve të tij. Hetuesit po hetojnë përgjegjësinë e djalit të viktimave, me hipotezën se Kalesha nuk e bëri gjithçka vetë.

Në fakt, duket se nuk ka gjasa që gruaja të ketë mbytur Tautën, të therë burrin e saj dhe të presë trupat pa ndihmën e dikujt tjetër.

Elona Kalesha u arrestua për vrasjen e prindërve të Taulantit, ish të dashurit të saj.

Historia duket se rrotullohet rreth djalit të viktimave, i cili u dënua për shkeljen e arrestit shtëpiak.

Aktualisht Taulant Pasho rezulton i dënuar në Zvicër për vjedhje dhe majde ka ndërruar mbiemrin. Ai tashmë quhet Taulant Çela.