LAJMI I FUNDIT
Vdes personi që u plagos në Klinë
Ka vdekur personi që është plagosur sot pasdite në një lokal në Klinë.
Lajmin për vdekjen e të plagosurit e ka konfirmuar Gazmend Bojaj, drejtor i QKMF-së në Klinë.
Më herët zëdhënësi i Policisë së Kosovës për rajonin e Klinës, Fadil Gashi tha se i plagosuri është dërguar në QKMF-në e Klinës, ndërsa ka theksuar se i dyshuari ka ikur nga vendi i ngjarjes.
“Rreth orës 16:40 policia është njoftuar se në një lokal në rrugën “Leonard Palucaj” në Klinë ka pasur të shtëna me armë zjarri. Policia ka dalë menjëherë në vendin e ngjarjes”.
“Nga këto të shtëna një person është plagosur dhe është dërguar për tretman mjekësor në Qendrën e Mjekësisë Familjare në Klinë. I dyshuari është arratisur nga vendi i ngjarjes dhe policia është në kërkim të tij”, deklaroi Gashi.
