Varroset gjyshi i Arbër Zenelit
Gjyshi i anësorit të Kosovës, Arbër Zenelit, është varrosur sot në varrezat e Shipolit në Mitrovicë, një ditë pasi ndërroi jetë disa orë para ndeshjes më të rëndësishme të nipit dhe vendit të tij në futboll.
Gjyshi i Zenelit, Zeka, vdiq dje rreth orës 15:00, por futbollistit nuk i kishin treguar për këtë para ndeshjes.
Zeneli e frymëzoi Kosovën drejt triumfit 4-0 ndaj Azerbajxhanit me tri super golat e tij.
Kjo fitore ia siguroi Dardanëve promovimin në Ligën C, si dhe një vend në playoff për kualifikime në Evropianin 2020.
