Truproja e presidentit gjerman suspendohet, kishte humbur armën
Një oficer në policinë federale të Gjermanisë është në suspendim pasi që ka humbur armën e tij të shërbimit në një hotel të Berlinit.
Kërkimi është nisur për një pistoletë Glock 17 dhe municionin e tij, që oficeri e ka raportuar të humbur në mëngjesin e të mërkurës. Ngjarja ka ndodhur në distriktin jugor të Berlinit Neukolln, shkruan The Local.
Oficeri është pjesë e mbrojtjes së afërt në policinë e Saksonisë së Ulët. Kjo njësi është përgjegjëse për mbrojtjen e presidentëve të tanishëm dhe të kaluar.
Presidenti i tanishëm i Gjermanisë është Frank-Walter Steinmeier.
Ish-presidentët që më parë janë mbrojtur nga kjo njësi janë Horst Kohler, Christian Wulff dhe Joachim Gauk.
Oficeri, emri i të cilit nuk është zbuluar, është suspenduar dhe ka filluar një hetim ndaj tij. Zyra e prokurorit publik në Berlin ka marrë përgjegjësinë e hetimeve.
