Thaçi: Lutemi për të lënduarit dhe familjet e viktimave në Bejrut
Presidenti i Kosovës, Hashim Thaçi, ka shkruar në Twitter lidhur me shpërthimin e frikshëm që ka ndodhur sot në Bejrut.
Presidendi Thaçi shprehet se fotografitë nga Bejruti janë tragjike.
Ai thotë se populli i Kosovës bashkëndjen dhe lutet për të lënduarit dhe familjet e viktimave.
Heartbreaking and tragic images from #Beirut. Our thoughts and prayers go to the injured and families of victims. #Kosovo stands by #Lebanon in this difficult time.
— Hashim Thaçi (@HashimThaciRKS) August 4, 2020
Statistikat e fundit të nxjerra nga Libani raportojnë për 50 të vdekur dhe mbi 3.000 të plagosur pas shpërthimit të fuqishëm në kryeqytetin Bejrut.
Shpërthimi në qytetin port pranë një fabrike fishekzjarresh në orën 6 me orën lokale shkaktoi një katastrofë në vend.
Ministri i Shëndetësisë tha se fabrikat ku ndodhi shpërthimi mendohet të kenë pasur material të shumta eksplozive.
Pamjet dramatike tregojnë momentin e shpërthimit të fuqishëm dhe më pas krijimin e një shtëllunge të madhe tymi që ka mbuluar një pjesë të mirë të qytetit.
Ndërkohë ushtria libaneze ka dalë menjëherë në terren. Shpërthimi ka ndodhur përpara verdiktit në një gjyq për vrasjen e ish-kryeministrit Rafik Hariri në vitin 2005.
Një gjykatë e Kombeve të Bashkuara do të nxirrte aktgjykimin në mungesë të katër të dyshuarve për vrasjen me makinë bombë të Rafik Haririt.
Të katërt janë anëtarë të grupit të Hezbollahut të mbështetur nga Irani, i cili vazhdimisht ka mohuar të ketë pasur gisht në vdekjen e Haririt.
Shpërthimi i dytë i pakonfirmuar u raportua të ishte pranë rezidencës së Haririt në të njëjtin qytet.
#انفجار_بيروت
— Wissam Hajjar وسام الحجار (@whajjar) August 4, 2020
انفجار وكأنه نووي pic.twitter.com/hH2qdtGZ8w