Tentojnë ta grabisin shumë herë, Rihanna vendosë ta shesë shtëpinë 7.5 milionë dollarëshe

Paratë nuk kanë rëndësi kur është në pyetje një jetë e qetë.

Këngëtarja nga Barbadosi me famë botërore, Rihanna ka vendosur ta nxjerrë në shtije shtëpinë e saj në Hollywood për 7.5 milionë dollarë.

Sipas mediave amerikane, vendimi i saj ka ardhur nga frika e përndjekjes e pikërisht pas një rasti që i kishte ndodhur para 6 muajve.

Rihanna ishte përndjekur nga një fans i fiksuar pas saj, një 27 vjeçar që quhej Leon. Ai kishte arritur të hynte brenda shtëpisë së saj pa e vërejtur sigurimi dhe e kishte pritur aty për 12 orë. Leon është arrestuar nga policia për shkelje të pronës private dhe përndjekje.

Ndërkohë, ylli i muzikës R&B ka paralajmëruar album të ri. Dy vitet e fundit ajo i është përkushtuar më shumë linjave të saj personale të produkteve të grimit dhe të brendshmeve e që kanë rezultuar me sukses dhe i kanë sjellur të ardhura të mëdha.