Pas certifikimit të rezultateve të zgjedhjeve të 6 tetorit nga ana e KQZ-së, sot do të takohen përfaqësuesit e Lëvizjes Vetëvendosje dhe Lidhjes Demokratike të Kosovës.
Lajmin për Telegrafin e ka konfirmuar zëdhënësi i Vetëvendosjes, Arlind Manxhuka.
“Po sot në ora 16:00 do të mbahet takimi mes LVV-së dhe LDK-së”, ka thënë Manxhuka.
Në takimin e fundit që kishin pasur Isa Mustafa dhe Albin Kurti kishin deklaruar se pas certifikimit të rezultateve , brenda një afati prej 72 orësh do të takohen për të diskutuar rreth arritjes së një koalicioni, meqenëse diskutimet në nivel ekspertësh kanë përfunduar.







