Shkelet marrëveshja e armëpushimit në Siri
Pjesa veriperëndimore e Sirisë është goditur nga sulmet ajrore për herë të parë pas shpalljes së një armëpushimi para dhjetë ditësh. Lajmin e bënë të ditur një organizatë monitoruese e luftës dhe një zëdhënës i rebelëve.
Forcat qeveritare siriane dhe aleatët e tyre rusë arritën marrëveshje të njëanshme për armëpushim më 31 gusht në Idlibin e kontrolluar nga opozita. Një marrëveshje për armëpushim në këtë zonë ishte arritur me ndërmjetësim edhe para dy vjetësh.
Nga 31 gushti, sulmet e vazhdueshme ajrore nga aeroplanët luftarakë rusë dhe sirianë janë ndërprerë, ndonëse ka pasur luftime tokësore dhe shpërthime bombash.
Shtetet e Bashkuara thanë se forcat e tyre kanë kryer sulme kundër një qendre të grupt al-Qaeda në Idlib pikërisht në ditën kur armëpushimi kishte hyrë në fuqi.
Vëzhguesi Sirian për të Drejtat e Njeriut, me bazë në Britani të Madhe, tha se aeroplanët i kanë kryer dy valë sulmesh në malin “Jabal al-Akrad”, afër bregdetit perëndimor të Latakias.
Nuk është e qartë nëse këto sulme janë shenjë e rikthimit të sulmeve ajrore nga forcat ruse dhe siriane.
Mohammad Rashi, zëdhënës i grupit “Jaish al-Nasr”, tha se sulmet janë kryer nga aeroplanët rusë dhe janë të parat që nga fillimi i armëpushimit, shkruan “Reuters”.
Chat conversation end
Type a message…