Komisioni Qendror Zgjedhor sot zyrtarisht ka certifikuar Shaqir Totajn si Kryetar të Komunës së Prizrenit.
Pas kësaj, Totaj ka falënderuar të gjithë qytetarët për një process korrekt, për besimin e dhënë e mbi të gjitha që përqafuan ndryshimin, si akt mëse i nevojshëm për qytetin tonë.
Totaj tha se tash është koha për punë e vision për Prizrenin e të ardhshmes dhe përmirësim të jetës së qytetarëve, pa dallime.
Postimi i plotë:
Sot, edhe zyrtarisht, Komisioni Qëndror i Zgjedhjeve më ka certifikuar si Kryetar të ri të Prizrenit.
Me këtë hap, u konfirmua edhe një herë fitorja e Partisë Demokratike të Kosovës, se zgjedhjet e 14 nëntorit në komunën tonë ishin demokratike dhe zbatim i vullnetit të qytetarëve të Prizrenit.
Falënderoj edhe një herë të gjithë qytetarët për një proces korrekt, për besimin e dhënë e mbi të gjitha që përqafuan ndryshimin, si akt mëse i nevojshëm për qytetin tonë.
Tash është koha për punë e vizion për Prizrenin e të ardhmes dhe përmirësim të jetës së qytetarëve tanë, pa dallime.
Ky është Prizreni për të cilin unë do të angazhohem e qyteti për të cilin ne kemi nevojë.
Të bashkuar për Prizrenin që duam!







