Qortohen sepse u kanë vënë lopëve kapakë në bark

Aktivistët për të drejtat e kafshëve kanë reaguar me zemërim pas një videoje që tregon se si lopët në stallën më të madhe të Europës, në Francë, janë pajisur me një kapak në stomak për t’u kontrolluar cilësinë e ushqimit.

Kapakët plastikë vendosen nëpërmjet operimit, dhe shërbejnë që veterinerët të fusin dorën në stomakun e lopëve, duke kontrolluar kështu cilësinë e ushqimit.

Veterinerët thonë që kjo i bën mirë edhe lopës, pasi mund të mbahet nën vëzhgim ushqimi që hanë, dhe procedura nuk ua dëmton fare shëndetin.

“Lopët me fistula (rumen fistula, quhet procedura) janë pa dyshim kafshët më të lumtura në spitalin tonë”, thotë dr.Suzan Fubini.