Prishtinës i kthehet ajri i ndotur
Siç edhe zakonisht ndodhë, edhe në këtë sezon të dimrit duket se Kosova do të ketë probleme me ndotje të ajrit.
Aktualisht në kryeqytet ajri është tejet i pashëndetshëm.
Nivelet ndotëse sipas matësit të Ambasadës Amerikane tregojnë numrin 167, që është nivel i dëmshëm për shëndetin.
Gazrat nga makinat dhe djegia e qymyrit për ngrohje konsiderohet të jenë ndër problematikat kryesore të kësaj ndotjeje e cila mbetet e pazgjidhur për vite me radhë.
Madje jo rrallë herë, niveli i ndotjes është aq i madh sa që Prishtina radhitet e para në botë në këtë aspekt.
