Presidenti Thaçi e fton për konsultime të parin Kurtin
Lideri i Lëvizjes Vetëvendosje, Albin Kurti, është i ftuari i parë i Presidentit të Kosovës në kuadër të procesit të konsultimeve me partitë politike.
Në ftesën e siguruar, presidenti Thaçi e ka ftuar Kurtin për konsultime në Presidencë më 1 prill, në orën 10:00.
“Pas mocionit të mosbesimit ndaj Qeverisë do të ndërmarr hapat e përcaktuar në Kushtetutë. Në këtë drejtim, ju ftoj që të merrni pjesë në takimin konsultativ për të diskutuar hapat e mëtejshëm”, thuhet në ftesën drejtuar Kurtit.
Më tej në shkresën e presidentit Thaçi dërguar Kurtit shkruan se takimi konsultativ do të mbahet më 01.04.2010, duke filluar nga ora 10:00, në Kabinetin e Presidentit të Kosovës.
