Pishina, ujëvarë, pistë helikopteri e kinema – brenda jahtit luksoz (FOTO)

Koncepti i super-jahtit 350 milionë funte është dizajnuar me të vetmin qëllim, që luksin ta dërgoj në një nivel tjetër – ku brenda këtij jahti mund edhe të bëni “surf”.

Jahti “California” do të përdorë makina të veçanta që do të krijojnë valë artificiale brenda pishinave të anijes, duke ua mundësuar kështu pasagjerë të kënaqen dhe t’ju krijohet përshtypja se janë në det.

Jahti 135 metra i gjatë gjithashtu do ta ketë ujëvarën dhe sistemin që ujin e detit ta shndërroj në ujë të pijshëm. E koncepti është realizuar nga kompania norvegjeze Kurt Strand.

Brenda këtij jahti nuk mungon pothuajse asgjë, duke filluar nga baret, klubet e natës, palestra e fitnesit e deri të banjot turke e qendrat e masazhit. E sikur të gjitha këto të mos mjaftonin, aty është edhe kinemaja me 24 ulëse për të gjithë të apasionuarit e filmave.

Mega-jahti 8 mijë tonësh, është paraparë të lëviz me shpejtësi maksimale prej 20 nyje nëse veç vendoset që të prodhohet, si dhe do të ketë edhe tri pishina gjigante. Aty nuk do të mungojë as helipadi i vendosur mbi një shtresë të veçantë, e cila më pas fut brenda jahtit helikopterin si në formë të ashensorit.