Përgjimi për blerjen e votave, reagon Stublla VIDEO
Bashkëshorti i Meliza Haradinajt e quan inskenim videon e publikuar ku bëhen pazare me votat.
Qindra komisionerë ishin angazhuar në Qendrën e Numërimeve dhe Rezultateve.
Këta kishin për obligim të numëronin votat që arrinin për partitë nga të cilat u angazhuan.
Mirëpo, dyshime se këta nuk kanë kryer punën si duhet kanë ngritur disa kandidatë për deputetë, e të cilët mbetën jashtë pas përfundimit të numërimit të të gjitha votave.
Madje, në lidhje me këtë edhe janë dërguar ankesa në PZAP, ku po kërkojnë që të rinumërohen votat.
video nga min 14:00 :
E fundit që ka bërë një gjë të tillë, është kandidatja për deputet nga radhët e AAK-së, Florentina Gjergjaj.
Kjo po kërkon që pas numërimeve të votave ta zë ulësen e deputetes ajo që e ka merituar.
Ndëkohë gjatë ditës së shtunë në media ka qarkulluar edhe një videoincim ku dyshohet se ka pasur manipulim me vota në favor të kryediplomates në detyrë, Meliza Haradinaj – Stublla.
Në fakt sipas kësaj video të publikuar nga “Insajderi”, thuhet që ishte bashkëshorti i Meliza Haradinajt, ai që kishte blerë 600 vota për të në vlerë prej 6000 eurosh.
E arsyeja e daljes së këtij përgjimi, sipas dëshmitarëve në këtë video-incizim, është prishja e pazarit që kishin mes tyre.
E këtë përgjim e ka parë edhe vetë Florentina Gjergjaj, e cila ka vetëm 109 vota më pak se Minsitrja në detyrë e Punëve të Jashtme dhë Diasporës.
Kjo tregon edhe ndjesinë e saj në atë moment që e kishte parë.
Megjithatë, në lidhje me këtë video-incizim ka reaguar edhe vetë bashkëshorti i Meliza Haradinaj.
Dardan Stublla e ka quajtuar këtë një inskenim, ndërsa ka shtuar që këtë rast e kanë dërguar edhe në Policinë e Kosovës.
Ndërkohë, rreth këtij video-incizimi ka reaguar edhe një kandidate tjetër e AAK-së.
Albana Bytyqi ka kërkuar ri numërim të votave, pasi që sipas saj për disa persona nuk është me rëndësi se e votojnë por se kush i numëron ato vota.
Ndryshe, diferenca në vota në mes të Meliza Haradinaj e Albana Bytyqit është vetëm 26 vota.
