Merdare

Përfundojnë pritjet e gjata nëpër pikat kufitare

Bashkëardhetarët që kanë qëndruar për pushime në Kosovë gjatë festave të fundvitit janë përballur deri në katër orë pritje ditëve të kaluara në pikat kufitare, sidomos në atë të Merdarës.

Por si duket këto pritje kanë marrë fund.

Sipas të dhënave nga Ministria e Punëve të Brendshme, pritjet nuk janë më tepër se një orë.

Vonesat e shkaktuara nga zyrtarët serbë, i kanë irrituar mërgimtarët.

Ata përpos që janë përballur me pritje duke shkuar në vendet ku jetojnë, të njëjtën fatkeqësi e kanë pasur edhe kur kanë ardhur për pushime./Ballkani.info/