Pas Francës, Kurti udhëton për në Austri
Kryeministri i Kosovës, Albin Kurti ka udhëtuar sot për në Austri.
Arsyeja e këtij udhëtimi është pjesëmarrja e tij në Forumin Ekonomik të Vjenës.
Lajmi është bërë i ditur nga Zyra e Kryeministrit, përmes një njoftimi për media.
Forumi Ekonomik është paraparë të nis të nesër më 14 nëntor.
Ndryshe kjo vizitë e Kurtit vie pas pjesëmarrjes së tij në Samitin e Paqes të mbajtur në Paris.
Gjatë qëndrimit në Paris, Kurti është pritur nga presidenti francez, Emmanuel Macron, me të cilin pati edhe një takim ku e pranishme ishte edhe presidentja e vendit, Vjosa Osmani.