Parashikimi i motit për javën e ardhshme
Të martën dhe mërkurën reshje shiu. Temperaturat në rënie. Të premten intervale më të gjata me diell.
Ditën e hënë vijon të mbajë mot i njëjtë, në mëngjes me mjegull, e gjatë ditës intervale me diell. Sipas Prishtina Weather mbi Itali po formohet një ciklon, që gjatë ditës së martë sjell shtim të vranësirave, e mbrëmjen e së martës dhe mëngjesin e ditës së mërkurë sjell kushte për të reshura shiu. Në zona më të larta malore priten mundësi edhe për reshje bore.
Temperaturat do të pësojnë një rënie të lehtë, me tendencë të rënies përgjatë ditëve të fundjavës, kur parashihet të depërtojnë masa më të ftohta ajrore nga veriu i kontinentit.
Koncentrimi i ndotësve ajror mbetet ende i lartë, megjithë depërtimit ciklonik në perëndim të rajonit, që kushtëzon qarkullim të mjaftueshëm ajror. Vlerat e indeksit të cilësisë së ajrit do të mbeten përreth vlerave të pashëndetshme, e gjatë ditës do të zbresin në vlera mesatare.
16.11 – Në mëngjes ftohtë, në ultësira mjegull/vranësira të ulëta. Ditën më butë, kryesisht kthjellët dhe intervale me diell.
17.11 – Kryesisht me vranësira. Orëve të mëngjesit, nëpër ultësira mjegull. Në mbrëmje priten reshje të dobëta shiu, në zona malore me mundësi edhe për reshje bore.
18.11 – Përgjatë mëngjesit vazhdojnë reshje lokale shiu. Ditën kryesisht me vranësira.
19.11 – Kryesisht me vranësira, pasdite intervale me diell.
20.11 – Në mëngjes më ftohtë, vende-vende me ngrica. Ditën pjesërisht vranët, me intervale më të gjata me diell.
Temperaturat minimale me një tendencë të rritjes, do të luhaten nga 0C deri 5C, e maksimalet në rënie nga 14C deri në 8C.
Nga dita e martë era do të fryj e lehtë dhe mesatare kryesisht nga verilindja 4-10m/s.
Shtypja atmosferike në rënie të lehtë ditën e hënë, më pas në rritje duke mbetur mbi vlera normale.
