Pako e dyshimtë

Pako e dyshimtë me bombë edhe për Roberto De Niron

Edhe ky i fundit njihet si një kritik i ashpër i presidentit aktual të Amerikës, Donald Trump.

Një tjetër rast kërcënimi me pako bombë është regjistruar këtë të enjte në Nju Jork të Shteteve të Bashkuara.

Ky është i teti në total, pas 7 rasteve të një dite më parë, me pakot që iu drejtuan ish-presidentit Obama, Hillary Clintonit, CNN-it, ish-kryeprokurorit Eric Holder, etj., ndërsa këtë herë në shënjestrën e një dërgese të tillë ka qenë aktori Robert De Niro.

Edhe ky i fundit njihet si një kritik i ashpër i presidentit aktual të Amerikës, Donald Trump.

CNN citoi dy burime nga forcat ligjzbatuese të thonë se pakot ishin drejtuar në adresën e restorantit të De Niros në zonën “Tribeca” të Manhattanit, transmeton “Tch”.

Raporti për këtë bombë vjen një ditë pasi FBI-ja njoftoi se bomba tub ishin dërguar edhe ndaj figurave të tjera të shquara mes demokratëve.

Aktualisht, Departamenti i Policisë së Nju Jorkut po i përgjigjet situatës me pakon e dyshimtë të dërguar në “Tribeca”, edhe pse nga forcat e rendit nuk përmendet De Niro.