Pacolli: Të hapen qendra mobile vaksinimi në çdo lagje
Presidenti i AKR’së Behgjet Pacolli thotë se qeveria duhet të trajtoj më seriozisht situatën me pandeminë. Duke kujtuar numrin e lartë të atyre që po humbin jetën nga Covid-19, thotë se duhet hapur qendra mobile vaksinimi që tu mundësohet qytetarëve imunizimi.
“Vala e madhe e Covidit që ka përfshirë Kosovën dhe po merr jetërat e më të dashurve tanë, duhet të trajtohet seriozisht nga të gjithë”, thotë Pacolli.
“Qeveria e Kosovës duhet të hap qendra vaksinimi në secilen lagjë dhe me ekipe mobile duke i angazhuar edhe atë pjesë te profesionistëve shëndetësorë që sot sillën rrugëve të pa punë”, shkroi ai në Facebook.
“Vaksinimi sot është më se i rëndësishëm dhe shpëton jetë”, theksoi Pacolli.
“Ngushëllimet më të sinqerta familjarëve që kanë humbur njerëzit e dashur nga Covidi, ky armik i padukshëm”, përfundoi ai.
