BBVA
Nga avantazhi që i dhuroi ‘Vëllai i Madh’, Juli dërgon veten dhe Eglën në televotim kokë më kokë
Aktori i dashur, Julian Deda, ka arritur të fitojë një avantazh të rëndësishëm brenda shtëpisë së Big Brother VIP Albania, pas një jave të plotë duke qenë lider i shtëpisë.
‘Vëllai i Madh’ i dha Julit të drejtën për të çuar dy vetë në televotim kokë më kokë, ose të zgjedhë të sfidojë veten me një banor tjetër.
Në televotimin me pyetjen “Kush është i preferuari juaj?”, Juli ka zgjedhur të dërgojë në nominim veten dhe Eglën.
Ndërkohë informacioni i nxjerrë nga ky televotim do t’i shkojë Julit të martën e ardhshme, si një avantazh i madh i dhuruar nga Big Brother në këtë fazë të lojës, ku pak ditë na ndajnë nga finalja e madhe.
Të gjithë sytë tani janë te Juli dhe Egla, dhe publiku ka për detyrë të vendosë se cili nga këta dy banorë do të konsiderohet si i preferuari i tyre.
Ndërkohë që finalja po afron, dyshja tashmë është në një garë me kohën dhe me njëri-tjetrin për të siguruar mbështetjen e shikuesve dhe për të qëndruar në lojë deri në fund.
