Mediat serbe: Indonezia del kundër anëtarësimit të Kosovës në Interpol
Ministria e Brendshme e Serbisë gjatë ditës së sotshme u takua me ambasadorin e Indonezisë në Beograd, Mohamed Chandra Vidja Juda.
Temë diskutimi ishte edhe anëtarësimi i Kosovës në Interpol, njoftojnë mediat serbe.
Sipas tyre, Indonezia e ka shprehur qëndrimin e saj kundër anëtarësimit të Kosovës në Interpol.
Sekretari i Ministrisë së Brendshme të Serbisë, Popoviq, Ivkoviç i tha ambasadorit të Indonezisë se Kosova ka aplikuar përsëri për antarësim në Interpol, po ashtu ai pretendoi se Kosova ka shkelur rregullat ndërkombëtare.
Ambasadori i Indonezisë në Serbi, Mohamed Chandra Vidya Juda, falënderoi Ministrinë e Brendshme për bashkëpunimin e deritanishëm dhe theksoi se numri i turistëve indonezianë në Serbi është rritur që nga futja e një regjimi pa viza midis dy vendeve.
Duke marrë parasysh argumentet e Serbisë në lidhje me kërkesën e përsëritur të Kosovës për pranim në Interpol, ai tha se Indonezia do të jetë gjithmonë në anën e drejtësisë dhe respektimit të ligjit ndërkombëtar, shkruajnë mediat serbe.