Manaj: Projektligji i buxhetit për vitin 2023 është kundërkushtetues
Shkëmb Manaj i LDK-së, thekson se projektligji i buxhetit për vitin 2023 është kundër-kushtetues sepse cënon pavarësinë e pushtetit lokal për të mbledhur dhe shpenzuar të hyrat e veta.
“Nenit 9 të Ligjit të Buxhetit 2023, paragrafi 6 është shtuar pasusi i fundit “Të gjitha të hyrat vetanake të mbledhura para vitit fiskal 2022 dhe të pashpenzuara, bëhen pjesë e Fondit të Kosovës në bilancin bankar”.
Neni 124 pika 5 e Kushtetutës së Republikës së Kosovës ka përcaktuar se: “Komunat kanë të drejtë të vendosin, të caktojnë, të mbledhin dhe të shpenzojnë të hyrat e veta si dhe të marrin fonde nga Qeveria qendrore, në pajtim me ligjin”, ka shkruar Manaj.
