Lluka: Privatizimi i Telekomit është rruga e duhur
Ministri në detyrë i Zhvillimit Ekonomik, Valdrin Lluka, ka thënë se privatizimi i Telekomit të Kosovës do të sjellë vetëm benefite për qytetarët e Kosovës.
Ai ka folur të martën në edicionin qendëror të lajmeve .
“Ne mendojmë që Privatizimi është rruga e duhur, është praktikë ndërkombëtare e botës së zhvilluar, kështu të rritet vlera dhe dividentat. Paralelisht është duke u ristrukturuar Telekomi”, ka thënë Lluka, në RTK.
“Interesimi ynë është që të tërheqim brendet e njohura ndërkombëtare”, tha ai.
Ai ka thënë se privatizimi nuk do të ndodhë në kohën kur Kosova ka qeveri të dorëhequr, por ka thënë se angazhimi i tij po bëhet në plan më afatgjatë.
“Në rast se Qeveria e ardhshme mendon që duhet të ndodhë privatizimi, atëherë ta ketë më të lehtë”, tha ai.
