Lista Srpska i reagon KFOR’it: Pse ushtarët e Shqipërisë
Lista Serbe e ka pyetur KFOR-in se pse ushtarët e Shqipërisë gjendën në veri të Mitrovicës, kur ata nuk janë pjesë e misionit të KFOR-it.
“Grafite me lavdërime, Shqipëria e Madhe, ecja e anëtareve të ushtarëve të Shqipërisë në qendër të Mitrovicës kanë shkaktuar shqetësim, sidomos pas deklaratave të Ambasadës Britanike.”, thuhej në reagimin e Listës Serbe.
Gjatë ditës së sotme, mediat serbe dramatizuan disa grafite në urën e Ibrit, ku ishte shkruar UÇK. Po ashtu paraqitja e ushtarëve të Shqipërisë u quajt provokim.
Të kujtojmë që në mediat serbe javën e kaluar u shpërnda një lajm kinse Ambasada Britanike i ka thënë qytetarëve të saj që vijnë në Kosovë të kenë kujdes dhe të mos shkojnë në veri.
Këto lajm i demantoj vet ambasada e Britanisë së Madhe.
