Lista e plotë e dëshmitarëve për Telekomin: Thaçi, Haradinaj, Mustafa, Blerim Devolli…
Në listën finale të dëshmitarëve figuron emri i Blerim Devollit, nuk mungojnë as emrat e krerëve më të lartë shtetëror
Blerim Devolli është pronari i kompanisë Z-Mobile.
E ai do të duhet të paraqitet si dëshmitar pranë Komisionit Hetimor Parlamentar, për gjendjen në PTK e Telekom.
Këtë vendim e ka marr komisioni në mbledhjen e mbajtur këtë të mërkurë.
Ndërkohë, T7 ka siguruar listën e plotë të dëshmitarëve që do të duhet të paraqiten pran kësaj trupe parlamentare.
Bazuar në këtë dokument, mbi 60 persona do të duhet të dëshmojnë para Komisionit.
E këtu nuk bënë përjashtim as presidenti i vendit Hashim Thaçi, që në kohën kur kishte filluar dhënia e licencës për Z mobile, ishte kryeministër.
Po ashtu para këtij komisioni si dëshmitarë është ftuar edhe kryeministri aktual Ramush Haradinaj.
Si dëshmitar është ftuar edhe paraarëdhësi i Haradianjt, ish kryeminsitri Isa Mustafa.
Ndërkohë, dëshmitar do të jetë edhe zëvendëskryeministri, Fatmir Limaj, ministri i Zhvillimit Ekonomik, Valdrin Lluka, ish ministri Besim Beqaj dhe ish ministri, Ahmet Shala.
Në listën e dëshmitarëve është edhe ish Drejtori Menaxhues i PTK-së, Etrur Rrustemi, ish kryesuesi i bordit të drejtorëve, Ilir Saliu.
Pastaj renditet, ish kryeshefi ekzekutiv, Agron Mustafa, ish kryeshefi tjetër, Adnan Merovci.
Po ashtu do dëshmojnë edhe ish kryeshefët ekzekutiv, Shyqëri Haxha, Ejup Qerimi e Gent Begolli.
Nuk mungon as emri i kryeshefit aktual Bedri Istrefi.
Për ti’a marrë dëshminë do ftohet edhe Lami Balaj, kryetar i Federates Sindikale te Pavarur te Postës dhe Telekomunikacionit të Kosovës.
Ndërkohë, të ftuar para komisionit do jenë edhe kryetarët e bordeve të lidhur me PTK-në.
Në anën tjetër, dëshmitar ekspertë do jenë, Naim Maloku, Agron Dida e Ismet Hamiti.
