Kuka krenar për sukseset e fundit të xhudos
Triumfi i Loriana Kukës në GrandPrixin e Tbilisit e ka bërë shumë krenar trajnerin e xhudos Driton Kuka.
Loriana triumfoi në kategorinë deri 78 kilogramë duke ia sjellë Kosovës medaljen e dytë të artë nga Gjeorgjia, pas triumfit të djeshëm të Nora Gjakovës.
“Dy herë fluturoj kubanezja! Lori po na bën krenar pakufi! E artë në Grand Prix Tbilisi. Loriana Kuka po vazhdon edhe si pjesë e familjes ëndrrën time që më mbeti në gjysmë! Fundjavë e bukur për popullin e shtypur me shekuj! Liria e merituar për të rinjtë që i kemi”, ka shkruar xhaxhai i Lorianës në një postim në Facebook.
