Kryeparlamentari

Konfirmon Kadri Veseli: Këto pajisje usharake amerikane do t’i sjellim në Kosovë (VIDEO)

Kryetari i Kuvendit të Kosovës, njëherësh lider i PDK-së, Kadri Veseli, gjatë vizitës që po i bën ShBA-së në prag të vendimit për formimin e Ushtrisë së Kosovës, ka vizituar sot Gardën Kombëtare të Iowa-s, ku ka parë nga afër mënyrën e organizimit ushtarak dhe ka diskutuar me ta për mbështetjen që i është dhënë deri më tani Forcës se Sigurisë së Kosovës.

Veseli ka parë nga afër edhe pajisje ushtarake amerikane të cilat do të jenë edhe pajisje të Ushtrisë së Kosovës.

“Po e bëjmë Ushtrinë e Kosovës. Po e bëjmë ushtrinë e paqes, stabilitetit, të fuqizimit të partneritetit me SHBA-të. Ajo çfarë i duhet Ushtrisë së Kosovës është profesionalizmi që e ka Ushtria Amerikane. I duhen këto pajisje të jashtëzakonshme që i pamë dhe disa prej tyre do të jenë pajisje të Ushtrisë së Kosovës. Do ta vazhdojmë këtë partneritet. Ushtria e Kosovës do të jetë kontribuuese e stabilitetit në rajon, ajo do të jetë pjesa më krenare e Kosovës, dhe do të jetë në partneritet me aleatët tanë” tha Veseli në një intervistë për RTK-në.

Sipas tij përvoja e Ushtrisë Amerikane do të jetë në Ushtrinë e Kosovës.

“Kjo vizitë është e jashtëzakonshme, Garda e Ioëa-s, është ndihmesë për Kosovën. Nga vizita jonë del mesazhi që kjo ushtri është e paqes, kemi garancinë e ShBA-së. Të gjithë ata zëra që janë skeptik le ta harrojnë. Ushtria jonë do të fuqizohet sepse është në krah me ShBA-në”, tha ai.

Më poshtë mund të ndiqni pamjet dhe deklaratat e Veselit nga baza ushtarake amerikane:

https://www.youtube.com/watch?v=K8EB5uUYIy8&feature=youtu.be&fbclid=IwAR0ME5U9By7QeXgdrHfb8COgtfraCCQ8wlhDPMQjBdxZHN-P6h0kGl5eJ8o