Djegje

Katër shtëpi janë djegur mbrëmë

Katër shtëpi janë djegur mbrëmë në qytete të ndryshme të Kosovës.

Sipas policisë, në Gjakovë, një person ka informuar se në rrethana të panjohura një aneks i shtëpisë i ishte përfshirë nga zjarri.

Zjarrfikësit e kanë shuar zjarrin.

Rasti është duke u hetuar.

Në Prishtinë, një person ka raportuar derisa ka qenë me familje, në rrethana ende të panjohura kulmi i shtëpisë së tij kishte marrë flakë.

Në vendin e ngjarjes kanë dalë njësitet policore dhe ekipi i zjarrfikësve të cilët e kanë shuar zjarrin.

Rasti mbetet nën hetime.

Kurse, në Mitrovicë, është raportuar se në fshatin e tij, një shtëpi është përfshirë nga zjarri.

Në vendin e ngjarjes kanë dalë njësitet policore, njësiti i KEDS-it dhe njësiti i zjarrfikësve.

Shtëpia e përfshirë ishte e vjetër dhe nuk ka qenë askush në atë kohë në shtëpi.

Rasti hetohe.

E në Gjilan, është raportuar se një shtëpi e kishte kapluar zjarri.

Në vendin e ngjarjes kanë dalë njësitet policore dhe zjarrfikësit, të cilët kanë shuar zjarrin.

Dëmet materiale janë të mëdha, ndërsa të lënduar në njerëz nuk ka.

Rasti po hetohet.