Prokuroria Themelore në Prishtinë ka njoftuar se i arrestuari T.K. ka pranuar se e ka vrarë Enver Bajraktarin në Baicë të Lipjanit, trupi i të cilit u gjet i groposur më 4 gusht.
Trupi i 45-vjeçarit u gjet i groposur disa metra nën sipërfaqe dhe i mbuluar me disa dërrasa.
Grupi që po e kërkonte Bajraktarin ndoqi gjurmët, të cilat treguan se trupi ishte tërhequr me forcë drejt një gropë të improvizuar në një arë të mbjellë me misër disa metra nën sipërfaqe, ku ishin vendosur edhe disa dërrasa për ta kamufluar vendin e varrimit.







