Hoti ngushëllon familjen e Zejnullah Grudës
Kryeministri në detyrë, Avdullah Hoti, në emër të Qeverisë i ka shprehur ngushëllime familjes së Zejnullah Grudës për vdekjen e tij.
Përmes një postimi në “Facebook”, Hoti ka thënë se me pikëllim ka pranuar lajmin për vdekjen e profesorit Gruda.
“Me pikëllim të thellë e pranova lajmin për shkuarjen në amshim të profesorit të nderuar universitar të së Drejtës Ndërkombëtare, Zejnullah Gruda. Në emrin tim dhe të Qeverisë, u shpreh ngushëllimet më të sinqerta familjes, studentëve dhe bashkëpunëtorëve. Qoftë i paharruar kujtimi për jetën dhe veprën e profesorit Gruda!”, ka shkruar ai.
Gruda ishte profesor i Fakultetit Juridik në Universitetin e Prishtinës.
