Në shkurt 2019

Historike: Papa do t’i vizitojë Emiratet e Bashkuara Arabe

Papa Françesku do të vizitojë Abu Dabin më 3 dhe 5 shkurt 2019, për të marrë pjesë në një takim ndërfetar për ”Vëllazërinë njerëzore”, ka njoftuar sot zëdhënësi i Vatikanit.

Ati i Shenjtë i përgjigjet edhe një ftese të princit të kurorës së Abu Dabit, Mohammed ben Zayed Al-Nahyane dhe Kishës katolike të Emirateve të Bashkuara Arabe, sqaroi Vatikani.

Vizita do të zhvillohet menjëherë pas vizitës së tij në Panama për Ditët Botërore të Rinisë, nga 22 deri më 28 janar, si dhe pak përpara vizitës së papës në Marok, të planifikuar për 30 dhe 31 mars.

Për pjesën tjetër të vitit 2019, ai synon të udhëtojë në Japoni gjatë muajit shtator dhe ka planifikuar gjithashtu një udhëtim në Madagaskar.