Haradinaj kujton Sadri Zenelin

Ish-kryeministri i Kosovës, Ramush Haradinaj, kujtoi sot rënien heroike të bashkëluftëtarit të tij, Sadri Zeneli, një figurë që i ishte bashkuar UÇK-së që në ditët e para.

Haradinaj tha se Jabllanica e Gjakovës, për kohë të gjatë ishte qendër e Shtabit të Zonës Operative të Dukagjinit.

Ai shtoi se lufta çlirimtare na ndau prej më të dashurve tonë por krenaria gjithmonë tejkalon dhembjen që e kemi për ta.

Postimi i Haradinajt:

Nderojmë sot rënien heroike të bashkëluftëtarit Sadri Zeneli. Ai ishte ndër të parët në Ushtrinë Çlirimtare të Kosovës, që nga embrioni i saj.

Jabllanica e Gjakovës, për kohë të gjatë ishte qendër e Shtabit të ZO të Dukagjinit.

Sot kujtojmë po ashtu trimat e saj, bashkëluftëtarët dëshmorë, Arben Mehmetaj, Bajrush Mehmetaj, Fitim Rexha dhe Islam Ademaj.

Lufta Çlirimtare na ndau prej më të dashurve tonë. Krenaria që kemi, gjithmonë tejkalon dhembjen që e kemi për ta.

Lavdi Dëshmorëve të Kombit!

RH