Gjuriq mesazh VV-së e LDK-së: Lëreni luftën për kolltuqe, populli mund të vdes nga koronavirusi

Me situatën e tensionuar politike në Kosovë është marrë edhe drejtori i të ashtuquajturës Zyrë për Kosovën në Qeverinë e Serbisë, Marko Gjuriq.

Gjuriq ka thënë se në vend që të përfshihen në sulme për kolltukë, liderët e Prishtinës  duhet të merren më shumë me virusin korona përpara se jetët njerëzore të jenë në rrezik.

“Nuk është e mençur që në këto kohë sfide, kur nuk janë të kursyer as bashkatdhetarët tanë në Kosovë, të harxhojnë energji në lojëra për fron. Ne nuk jemi të interesuar për intrigat e tyre”, tha Gjuriq për gazetën Politika

Ai thekson se edhe nëse taksa do të ishte hequr plotësisht, ajo nuk do të kishin ndonjë efekt aktual për shkak të ndalimit të fluksit të njerëzve dhe mallrave në mes të Kosovës dhe Serbisë.