Gigi Hadid e “dashuruar” me modelen shqiptare, e poston edhe në profilin e saj
Modelja e njohur shqiptare, Trejsi Sejdini prej disa ditësh ndodhet në New York, ku ka arritur të realizojë një nga ëndrrat e saj më të mëdha duke sfiluar në Javën e Modës.
Gjatë qëndrimit në SHBA, Trejsi ka realizuar edhe disa foto, ku njëra prej tyre ka tërhequr vëmendjen e modeles me famë botërore, Gigi Hadid.
Gigi e ka ripostuar foton e Trejsit dhe kjo e fundit kishte veshur kostumin sportiv që mbante emrin e saj, një bashkëpunim i modeles amerikane me firmën e veshjeve sportive “Reebok”.
E lumtur, Trejsi e falenderoi Gigin duke shkruajtur se e ka idhull.
Trejsi është zhvendosur gjithashtu në New York për të ndjekur studimet e larta në akademinë e quajtur ‘The New York performing arts academy’.
