Gashi për seancën e sotme: Nuk e keni njoftuar kryeministrin Hoti, ai ka ardhur për shkak të vullnetit të mirë

Shefi i Grupit Parlamentar të LDK-së, Arben Gashi, në seancën e sotme plenare, tha para deputetëve se kryeministri Avdullah Hoti dhe Ministri i Shëndetësisë, Armend Zemaj, nuk kanë qenë të informuar për seancën e sotme.

Gashi tha se nuk është respektuar komunikimi me Qeverinë.

“Nuk është respektuar mirëbesimi për komunikim me Qeverinë dhe komunikim për çfarë i keni ftuar sot. Ata kanë ardhur për shkak të vullnetit të mirë”, ka thënë ai.

Në anën tjetër, nënkryetarja e Kuvendit të Kosovës nga Vetëvendosje, Arbërie Nagavci, ka kritikuar Qeverinë për menaxhimin me pandeminë Covid-19.

Ajo ka thënë se kjo e fundit nuk ka as plan për ta menaxhuar situatën.