Pasi festa e Adrian Lopez u bë sensacion viral në rrjetin social TikTok, mijëra adoleshentë u shfaqën në festën e vitit.
Shtatëmbëdhjetë vjeçari Adrian Lopez një javë më parë ishte vetëm një nxënës i shkollës së mesme nga qyteti Eastvale në shtetin e Kalifornisë në SHBA.
Por pas ftesës dixhitale, me të cilën ai i ftoi miqtë e tij për të festuar ditëlindjen e tij me të, u bë sensacion viral. Emri i Lopez përmbyti të gjitha rrjetet sociale.
Ftesa u bë një ndjesi aq e madhe sa mijëra të huaj erdhën në ahengun e organizuar në plazhet në Huntington Beach dhe rreth 60 kilometra nga aty, në Los Anxhelos.
Nxënësi i shkollës së mesme e bëri ftesën të hënën, më 17 maj. Thoshte që kushdo që dëshironte të kalonte kohë të mirë duhet të shkonte në vendin e ahengut në Beach Huntington të shtunën, 22 maj, në 7:30 pasdite. Ftesa titullohej “Partia e Adrianit”.
“Ishte menduar për miqtë dhe kolegët e mi të shkollës”, tha Lopez.
After Adrian Lopez’s 17th birthday "kickback" went viral on TikTok, thousands of California teenagers showed up for the party of the year. https://t.co/G86CgSMuIC pic.twitter.com/WyYvT3zvAS
— The New York Times (@nytimes) May 25, 2021
Festa u bë aq e madhe, sa Emily McIntosh, një kameriere 19-vjeçare në restorantin Duke’s në Huntington Beach, tha se punonjësit e restorantit nuk mund të dilnin për orë të tëra sepse ishte shumë e rrezikshme.
Kur policia erdhi për ta ndaluar ndejën, gjërat u bënë të dhunshme. Xhami i makinës së policisë u thye dhe një turmë e tërbuar iu vërsul policisë duke hedhur shishe dhe sende të tjera ndaj policisë. Policia u përgjigj me plumba gome. Shumë shpejt u shpall një shtetrrethim emergjent dhe gati 150 pjesëmarrës në trazirat e Beach Huntington u arrestuan.
Adrian Kickback At Huntington Beach was Like Project X pic.twitter.com/0ZxFVnWtaB
— Marshall Price (@MPriceza) May 24, 2021
