E pabesueshme, por e vërtetë/ Çokollata mund t’iu ndihmojë të dobësoheni

Edhe çokollatat mund t’ju dobësojnë. E pabesueshme, por e vërtetë. Është ky rezultati i një studimi të fundit në Shtetet e Bashkuara.

Mësohet se ngrënia e çokollatës në mëngjes, si vakt i parë, mund t’i ndihmojë njerëzit që të humbasin në peshë.  Studiuesit në një spital në Boston u dhanë nga 100 gramë çokollatë me qumësht 19 grave në fazë post-monopauze. Ata hëngrën çokollatë një orë pasi u zgjuan ose një orë para se të flinin çdo ditë për dy javë me radhë.

Në vend që të shtonin në peshë, studiuesit kanë zbuluar se ngrënia e çokollatës në orët e mëngjesit mund të ndihmonte në djegien e djhamit dhe të reduktonte nivelin e glukozës në gjak. Ndërkohë ngrënia e çokollatës në orët e natës ndihmoi pjesëmarrëset në procesin e gjumit, madje edhe në alternimin e metabolizmit.

“Studimi ynë thekson se jo vetëm çfarë, por edhe “kur” hamë mund të ndikojë në mekanizmin psikologjik që përfshihet në rregullimin e peshës së trupit. Vullnetaret tona nuk shtuan peshë pavarësisht se rritën dozën e kalorive”, u shpreh bashkëautorja e studimit, Marta Garaulet.

Gjatë 14 ditëve të provave, pjesëmarrësve iu lejuan që të hanin çdo lloj ushqimi dhe nuk iu nënshtruan një dietë të veçantë.

Studimet e fundit tregojnë se konsumimi i çokollatës mund të rrisë urinë dhe dëshirën për ëmbëlsira. Në lidhje me këtë në vlerësimet e përditshme për stresin u zbulua se niveli i kortizolit ishte më i lutët kur hanin çokollata në mëngjes.

Megjithatë siç shkruajnë mediat britanike nga ngrënia e çokollatës ka edhe disa problematika pasi lidhet me një risk të reduktuar për sulm në zemër, goditje në tru dhe vdekjen nga sëmundjet kardiovaskulare. Prandaj përpara se të konsumoni çokollatë në mëngjes, The Indipendent sugjeron që ta bëni “duke e mbajtur dorën”.