Dy persona bien në një rezervuar të mbushur me çokollatë në Pensilvani
Dy persona u shpëtuan pasi ranë në një rezervuar të mbushur plot me çokollatë në fabrikën Mars M&M në Pensilvani të enjten, thanë zyrtarët.
Të dy pacientët u transportuan në spital, tha për CNN ndihmës mbikëqyrësi i shërbimit policor në Qarkun Lancester, Nick Schoenberger.
“Një pacient u transportua me ambulancë derisa tjetri me helikopter”, u shpreh Schoenberger.
Nuk dihet shkalla e lëndimeve të tyre , transmeton Telegrafi.
Siç bëhet e ditur nga ana e autoriteteve, ekipet e shpëtimit duhet të bënin një vrimë në anën e rezervuarit për t’i nxjerrë ata jashtë.
Mbetet e paqartë se si përfunduan ata të dy në rezervuarin e çokollatës.
