Deputeti ukrainas pro-rus që u rrah me gazetarin në studio kapet në flagrancë teksa spiunonte
Teksa hyn në ditën e 10-të të sulmeve ruse ndaj Ukrainës, një deputet ukrainas është kapur duke spiunuar.
Nestor Shufrych i njohur gjithashtu për qëndrimin e tij pro-Rusisë është kapur dhe ndaluar teksa fotografonte pozicionet e ushtarëve ukrainas të cilat më pas do t’i dërgonte në Rusi.
Pas kontrollit në zyrën e tij u gjetën një numër i madh radiosh marrëse –dhënëse, telefona, pasaporta dhe armë.
Kujtojmë që ky deputet ditë më parë ishte në qendër të vëmëndjes për sherrin e tij me gazetarin ukrainas Yuriy Butusov.
Politikani u sulmua nga gazetari për qendrimet e tij pro-ruse.
