Daut Haradinaj takon zëvendëskryeministrin Tahiri, flasin për tema vitale të shoqërisë
Shefi i Grupit Parlamentar i Aleancës për Ardhmërinë e Kosovës (AAK), Daut Haradinaj ka takuar sot zëvendëskryeministrin e parë të Qeverisë së Kosovës, Besnik Tahiri me të cilin ka diskutuar disa tema të rëndësishme aktuale në vend.
Përmes një postimi në Facebook, Daut Haradinaj ka thënë se kanë diskutuar për buxhetin e Ushtrisë, çështjen e qumështarëve, rrymën në Bjeshkët e Belegut dhe Ligjin për Rimëkëmbjen Ekonomike.
“Takim punë me zëvendëskryeministrin e qeverisë, Besnik Tahiri me të cilin diskutuam temat si: buxheti për Ushtrinë, çështja e qumështarëve, rryma në bjeshkët e Belegut, dhe Ligjin për Rimëkëmbjen Ekonomike. Shpresojë që bashkërisht do të gjejmë zgjidhje të pranueshme për këto tema vitale të shoqërisë”, ka shkruar Haradinaj.
