Raportuesja për Kosovën në Parlamentin Evropian, Viola von Cramon, ka reaguar pasi kryeministri Kurti iu drejtua në serbisht qytetarëve serbë të Kosovës.

Këtë veprim të Kurtit, Cramon e konsideroi si hap të mirëseardhur dhe të nevojshëm për të përmirësuar marrëdhëniet ndëretnike.

“E mrekullueshme që kryeministri, Albin Kurti, i është adresuar serbëve të Kosovës në serbisht. Është hap i mirëseardhur dhe i nevojshëm që të rritet besimin e ndërsjellë dhe për të përmirësuar marrëdhëniet ndëretnike pasi nuk është gjithmonë e lehtë të kapërcehet ky hendek”, ka shkruar Viola von Cramon.

Kryeministri i Kosovës, Albin Kurti, dje u është drejtuar qytetarëve të komunitetit serb në Kosovë në gjuhën e tyre, ku flet për rezultatet në përmbylljen e tremujorit të parë të vitit të dytë të qeverisjes Kurti.

Odlično se razumemo!

Great that PM @albinkurti addresses the Kosovo Serbs in Serbian. It is a welcomed and needed step to increase the mutual trust and improve inter-ethnic relations in 🇽🇰 as it is not always easy to bridge that gap.

pic.twitter.com/TMx4IGw3L0

— Viola von Cramon 🇺🇦🇪🇺🇮🇱 (@ViolavonCramon) June 22, 2022